Hetta fara vit at hátíðarhalda við stórfingnari konsert, har fremstu tónleikarar okkara fara at forkela okkum við kendum løgum so sum “Super Trouper”, “Knowing Me, Knowing You”, “The Winner Takes It All” og fleiri afturat.

Til allar dansidrotningar, droymarar, vinnarar (og taparar) - nú er at fara upp á ovastaloft og finna floyalsbuksurnar og plateuskógvarnar fram, og so hittast vit til eitt brak av einari konsert í OY! Mamma Mia! tað verður gott.

Konsertin verður 21. septembur kl. 21.00 og eitt atgongumerki kostar 300 kr.

Sangur: Edith Dahl Jakobsen og Ann Chanett Danielsen

Gittar: Allan Tausen og Ólavur Eyðunsson Gaard

Klaver: Bjarni Lisberg og Kristian Pauli Ellefsen

Bass: Kristoffer Mørkøre

Trummur: Jan Rúni Poulsen

Saksofon: Hans Petur í Brekkunum

Hann hevur altíð leverað, líkamikið um framførslan er á G! pallinum, til eitt bingo í pensjonistafelagnum ella til ein trettan ára føðingardag.

Í løtuni verður nýggjasta staklagið “Allarbesti" tráspælt í føroyskum útvarpi. Umframt hetta hevur hann eina rúgvu av peppandi hittum í skjáttuni, harímillum “Aalborg”, “Magical Bag of Fun” og so hin víðagitni (í Føroyum) “I Put On This Dress Only for You”, sum hevur ljómað í mangum føroyskum veitslum. Harumframt stendur SAKARIS (í samstarvi við Byrta) fyri eitt av ársins poppløgum 2024, nevniliga nýmótans tulkingina av 80’ara hittinum “Frøknur”.

Tónleikurin hevur verið lýstur sum J-Pop hittir 80-ára glamm popp, við einum broddi av oyðandi norðurlendskari vantrúgv. Men peppað er tað so altíð. SAKARIS er heilt egin, ljóðið er serstakt, og melodiirnir ótrúliga fangandi.

Konsertin verður 11. oktobur kl. 21.00 og atgongumerki kosta 50 kr.

Allastaðni har tey koma vekja tey stóran áhuga. Rættiliga merkisvert, tá ið tú hugsar um, at tey rappa og syngja á føroyskum, og hava undarligar tekstir. Men jú, so hugtakandi er teirra framførsla, at hon brýtur málslig mørk. Og tey spæla eisini heilt ólukksáliga væl á pallinum - tað er bergtakandi. Tað er óskikkiligt og gott í senn. Til FMA trý tey seinastu árini, hava tey eisini gjørt um seg við fleiri tilnevningum. Aggrasoppar hava útgivið tvær plátur og spælt eina ørgrynnu av konsertum í Føroyum og runt í Evropa. Eftir at hava spælt á The Great Escape í Brighton í fjør, vóru tey kosin at vinna The Steve Strange Award við eini peningagávu á 4000 evrur, fyri at vera tað mest spennandi navnið á festivalinum.

Í 2023 vunnu tey eisini Sement her heima, og nú koma tey endiliga at spæla eina mergjaða konsert í OY 5. oktobur, har ungi listamaðurin úr Klaksvík, Viðarr, sum gjørdi um seg á Sement 2024 við sínum heimagjørdu elektropoppløgum, fer at standa klárur á pallinum at hita tykkum upp, áðrenn tey trína á pallin.

Atgongumerki kosta 150 kr og tiltakið byrjar kl. 21.00.

Hamradun spælir føroyskan fólka-rokk tónleik við Pól Arna Holm á odda. Hamradun gav út sína fyrstu útgávu í 2015 og hava teir síðan tá spælt nógvar konsertir bæði í Føroyum og uttanlands. Fyri kortum gav Hamradun LP'ina 'Nætur Níggju' út, og 19. oktobur koma teir at framføra í OY við einum stórum braki.

Atgongumerki kosta 200 kr og konsertin byrjar kl. 21.00.

Manning:

Dagfinn Joensen - Geyl

Benjamin Petersen - Riff og fleyg

Henning Jensen - Riff meizter

Torleik Mortensen - Low end rumble

Sigurd Justinussen - Taktstjórin

Atgongumerki kosta 200 kr og konsertin byrjar kl. 23.00

Døgg Nónsgjógv framførir saman við Høgna Lisberg og Jan Rúna Poulsen í OY fríggjakvøldið 04. okt kl. 21.00.

Atgongumerkir kosta 50 kr.

Hon er júst nú í gongd við at framleiða nógvan nýggjan tónleik, saman við Ragnari Finsson og til konsertina í OY fer hon at frumvísa fleiri teirra!

Frammanundan hevur hon verið aktuel við stakløgunum, “Cruising”, “People Pleaser” og “Consequences” hvørs tónleikasjónband spruttar við blóði og sjarmu.

Tey, ið framføra eru:

Marianna Winter (sang)

Ragnar Finsson (gittar)

Árni Jóhannesson (bass)

Hjørtur Pætursson Háberg (trummur)

Kristian Pauli Ellefsen (keys)

Konsertin verður 18. oktobur kl. 21.00 og atgongumerkir kosta 50 kr.

Kostnaður fyri atgongumerki: 350 kr

Hetta er íroknað prísinum: Matur Tvær øl Undirhald: Live-tónleikur við Árna Jóhannesson og DJÚS fer at diska

Oktoberfest-búnar kunnu keypast í sjoppini í OY.